Nesvellir luku byggingu glæsilegrar þjónustumiðstöðvar árið 2008. Húsið er að mestu leigt til Reykjanesbæjar, en auk þess eru nokkrir minni rekstraraðilar með starfsemi í húsinu.
Þjónustumiðstöðin er hjarta Nesvalla. Á Nesvallasvæðinu er einnig hjúkrunarheimili, öryggisíbúðir og almennar íbúðir fyrir 65 ára og eldri. Klasi er að undirbúa byggingu almennra íbúða að Nesvöllum.
Aðstaðan á Nesvöllum er fyrsta flokks og aðgengileg öllum. Allir eldri íbúar Reykjanesbæjar geta sótt þangað þjónustu, samveru og skemmtun.
Hluti af félagsþjónustu Reykjanesbæjar er til húsa í þjónustumiðstöðinni og stór hluti þess tómstundastarfs aldraðra sem er á vegum bæjarfélagsins fer fram í glæsilegum húsakynnum Nesvalla. Þar er einnig dagdvöl aldraðra við góðan kost.
Stór og bjartur og veitingastaður er á fyrstu hæðinni, þar sem íbúum svæðisins og gestum er boðið upp á heimilismat. Þar er einnig aðstaða fyrir ýmsar uppákomur, veisluhald og skemmtanir. Útgengt er á verönd og þaðan á skjólgott og fallegt útvistarsvæði Nesvalla.
Ýmis heilsutengd þjónusta er í boði á Nesvöllum. Má þar nefna t.d. sjúkraþjálfun, en þaðan er einnig útgengt á útvistarsvæði Nesvalla. Í þjónustumiðstöðinni er snyrtistofa og hárgreiðslustofa.
Content for custom fields
270 íbúðir
2.340 m2